Komisioni Zgjedhor i Partisë Demokratike, ka përcaktuar renditjen e kandidatëve për kreun e kësaj force politike, në fletën e votmit. I pari në listë do të jetë Fatbardh Kadilli, e dyta Edith Harxhi, i treti Agron Shehaj, dhe i katërti kryetari në detyrë, Lulzim Basha.
Zgjedhjet për kreun e ri të Partisë Demorkatike do të zhvillohen ditën e dielë të 13 qershorit. Pas zgjedhjeve, Basha u përball me një sërë kritikash për rezultatin e 25 Prillit, të cilat pas 8 vitesh e lanë sërish në opozitë Partinë Demokratike dhe refuzoi të jepte dorëheqjen duke i cilësuar zgjedhjet një masakër elektorale.
I pari që njoftoi vendimin për të kandiduar ishte anëtari i Kryesisë Fatbardh Kadilli. Ai drejtoi gishtin e përgjegjësisë për humbjen, mbi kryetarin Basha dhe foli për nevojën e një opozite të re.
Pas tij vetëm, ishte Edit Harxhi, e mbështetur nga grupimi “Për PD-në” që gjithashtu ka kërkuar largimin e Bashës, dhe u fut në garë për të marrë drejtimin e partisë.
Vetëm në ditën e fundit kur dhe mbaronte edhe afati për dorëzimin e kanidaturave, në garë u fut edhe Agron Shehaj, deputeti i zgjedhur në Tiranë, i cili ishte i dyti më i votuar pas Bashës, në zgjedhjet e 25 prillit.
