Kryetari i Partisë Lidhja Demokratike e Kosovës Isa Mustafa deklaroi se nuk e përjashton mundësinë e një qeverisje me Vetëvendosjen, madje dhe me Albin Kurtin si kryeministër.
I ftuar në “Çim Peka Live”, Mustafa ka thënë se bashkëqeverisjen me VV e mendon si një çështje të bashkëpunimit në fusha që janë elementare dhe shumë të rëndësishme për Kosovën.
Sa i përket çështjes së presidentit, ai tha se ajo është diskutuar dhe është përpjekur të gjendet gjuha e përbashkët.
Isa Mustafa: “Ka njerëz që mendojnë se një qeverisje me VV është e mundshme. Një qeverisje me VV nuk është e pamundur. Ne do dëshironim ta kishim kryeministrin, por mbetemi të hapur që nesër të flasim edhe me Vetëvendosjen dhe subjekte të tjera. Do doja që qeverisja LDK-VV të vazhdonte, por jemi larg besimit reciprok. Ne si LDK kemi gabuar kur kemi vendosur vija të kuqe për subjektet e tjera, pasi nuk e kemi situatën si në Tiranë ku janë dy parti të mëdha.
Bashkëqeverisjen e mendojmë si një çështje të bashkëpunimit në fusha që i mendojmë se janë elementare dhe shumë të rëndësishme për Kosovën. Por nuk e kemi diskutuar me VV. Ka pasur këmbëngulje nga zoti Haradinaj që të jetë kandidat dhe që ta përkrahim, Tani për tani e përjashtoj si mundësi që të jem si kandidat si president për shkak të gjendjes sime. Ne si LDK kemi kuadro që mund ta bëjnë këtë punë me përgjegjësi të plotë,”
