Kreu i Partisë Republikane, Fatmir Mediu, u ka bërë thirrje socialistëve dhe ndërkombëtarëve që të ndalojnë zgjedhjet në 30 qershor.
Në një deklaratë për mediat, Mediu tha se kryeministri Rama po përdor politikisht Komisionin e Zgjedhjeve. Sipas tij, procesi i zgjedhjeve të cilin ai e konsideron “farsë edhe të dhunshëm” do ta çojë vendin në një grusht shteti.
Deklarata e plotë:
“Në emër të Partisë Republikane, i bëj thirrje gjithë socialistëve që besojnë tek liria dhe demokracia, të bashkohen me të gjithë shqiptarët të shmangin konfliktin civil që po përgatit Edi Rama më 30 qershor. Rama sot ka kapur dhe përdor politikisht Komisionin e Zgjedhjeve. Procesi farsë dhe i dhunshëm që po organizon në 30 qershor, është instalimi përfundimtar i grushtit të shtetit. Shqiptarët dhe opozita kanë të drejtën kushtetuese që të mos lejojnë një proces të tillë dhe të jenë të bashkuar për të mbrojtur pluralizmin. I bëj thirrje faktorit ndërkombëtarë të ndalojnë këtë krim të Ramës që do të ketë pasoja jo vetëm në Shqipëri por edhe në rajon”.
