Zyra e OSBE/ODIHR-it deklaron se i është kërkuar nga qeveria vëzhgues të mjaftueshëm për zgjedhjet lokale të 30 qershorit në Shqipëri, duke theksuar se autoritetet premtuan transparencë në zgjedhje.
Ndër të tjera, OSBE theksoi se do kërkohen 250 vëzhgues nga 22 vende pjesëmarrëse të OSBE-së për zgjedhjet lokale.
“Shumica e bashkëbiseduesve të ODIHR nënvizuan një shkallë të lartë të polarizimit dhe mosbesimit midis tyre, partitë politike dhe politizimi i institucioneve të cilat mund të ndikojnë negativisht në sjelljen e zgjedhjeve. Përfaqësuesit e institucioneve shtetërore njoftuan se do të merren të gjitha masat për të siguruar një proces zgjedhor transparent dhe për të pranuar rekomandime e vëzhguesve të OSBE.
Zgjedhjet vendore të 30 qershorit do të zhvillohen pas një vendimi të pashembullt të opozitës në parlament për të hequr dorë nga mandatet e tyre. Më tej, opozita organizoi një seri protestash që kërkojnë dorëheqjen e qeverisë dhe thirrjen për zgjedhje të parakohshme parlamentare. Qeveria i hodhi poshtë këto kërkesa. Përplasjet politike në vend pezulluan reforma të rëndësishme, duke përfshirë edhe ate zgjedhore”, thuhet në raport.
