Politikë

‘Mos u merrni me ata që urinojnë’/Deputeti-Lleshajt: Të kujt banke ishin paratë e grabitura?

               Publikuar në : 11:34 - 18/04/19 Enno

Deputeti demokrat, Myslim Murrizi gjatë fjalës së mbajtur në Kuvend i është drejtuar ministrit Sandër Lleshajt, duke i kërkuar që të mbajë përgjegjësinë që i takon për ngjarjen e grabitjes në Rinas, teksa deklaron se FNSH gjendej rastësisht atje.

“Nëse merreni me atë që hedhin bojë, apo urinojnë nëpër lulishte, nuk ju shtyn kureshtja që të shihni kush punon në Aeoroport, këta që ju heqin rripin e pantallonave shqiptarëve, që ju vjedhin celularët, që ju heqin fasulet dhe gjelin e detit, nuk keni ju fare të dhënë.

Grabitja ka pasur kallauzë nga brenda, ju ca na thoni ka pas informatorë aty apo jo, gjithçka ka ndodhur në 2 minuta e 30 sekonda, kush është kjo kompani që nuk i hap derën FNSH”, është shprehur Murrizi.

Po ashtu, deputeti kërkon të dijë se të kujt banke ishin paratë që u grabitën me 9 prill.

“Me thasë e raportoi shefi i komisariatit, 7 thasë me euro janë vjedhur, të kujt banke ishin, bankat kanë emra, se janë paratë e shqiptarëve.

Nëse këta shkojnë si faturino treni, dhe i hedhin paratë atje të këmbët e ikin pa u ngrit avioni në ajër, duhet të jetë aty, se avioni mund të kthehet, ju i kontrolloni këto kompanitë që shoqërojnë paratë. Pastaj çfarë është kjo tallje me përgjigjet që merrni”, deklaroi Murrizi.

Kthehu
WhatsApp Denonco ne TT