Grabitësi i cili mbeti i vrarë gjatë shkëmbimit të zjarrit me forcat e policisë gjatë vjedhjes në aeroportin e Rinasit, ka një lidhje të hershme me Partinë Demokratike.
Admir Murataj njihej nga miqtë si një njeri i lidhur me eksponentë të lartë të Partisë Demokratike në Tropojë, qytetin e lindjes së tij. Janë fotot të cilat dëshmojnë lidhjen e fortë me ketë forcë politike. Është vëllai i të ndjerit, i cili shpesh ndan në rrjetet sociale aktivitetin e tij publik si lobues i PD-së.
Përmes postimeve në rrjetin social Facebook, Murataj tregon herë pas here përkrahjen dhe mesazhet pro veprimtarisë “Basha”.
Në pasaportën greke false që zotëronte Admir Murataj ka pasur identitet tjetër. Sipas asaj që raporton “tokla.al”, ai quhej Christos Papadias.
Murataj përdorte gjithashtu edhe 15 identitete të tjera. Në maskën e silikonit që mbante gjatë grabitjes në aeroportin e Rinasit më 9 Prill, Murataj kishte “kopjuar” identitetin e tij të para disa viteve, kur kishte marrë pasaportën greke. Më pas, ai kishte ndryshuar pamje, sikurse duket në foton tjetër.
Pamja e tij me flokë është e vetmja fotografi publike, pasi është bërë në momentin kur është arrestuar në Greqi për disa grabitje.
