Presidenti Ilir Meta, dekretoi qeverinë “Rama 3” pas përgjigjeve të SPAK dhe Prokurorisë së Posaçme. Në seancën plenare që do të mbahet nesër, pritet që kryeministri Rama të shpalosë programin qeverisës, si dhe më pas do të bëhet dhe votimi për qeverinë. Pasi të kalohen këto dy procedura, më pas, qeveria e sapoemëruar duhet të betohet para presidentit Ilir Meta. Tashmë është zbardhur programi i qeverisë “Rama 3”.
Programi është me 42 faqe, ku përcaktohen edhe 5 shtylla kryesore mbi të cilat do të fokusohet qeverisja përgjatë mandatit të saj 4-vjeçar.
Objektivat e Programit Qeverisës të PS:
Objektivat e Programit Qeverisës të PS: Familja si themeli ku ndërtojmë të ardhmen
-Rimëkëmbje e ekonomisë nga tërmeti dhe pandemia
-Mirëqenie për të gjithë, përkthehet në ekonomi të zhvilluar që krijon shanse për të gjithë.
-Modernizim për zhvillim të bujqësisë, ekonomisë digjitale, transporteve e shërbimeve
– Modernizim për zhvillim të ekonomisë prodhuese, turizmit, energjisë
E enjtja do të ketë një debat maratonë në seancën Parlamentare, pasi do të zhvillohet brenda 24 orëve si paraqitja e programit politik, pyetjet e përgjigjet dhe debati mbi programin e qeverisë “Rama 3”.
