Sot pritet të mbërrijë në vendin tonë kryeministri i Holandës, Mark Rutte. Ai do të pritet nga kryeministri Edi Rama, dhe më pas do të ketë edhe një konferencë për shtyp mes tyre. Rutte pritet të vizitojë edhe ambientet e piramidës, për të parë nga afër projektin e rijetëzimit në një qendër teknologjie. Për herë të parë në qershor 2021, Holanda vlerësoi progresin e Shqipërisë në rrugën e saj të anëtarësimit në BE, si dhe përparimin me reformat. Lidhur me këtë vizitë, edhe kryeministri Edi Rama, disa javë më parë ka bërë një reagim duke njoftuar datën e takimit.
Agjenda e vizitës së kryeministrit të Holandës, Mark Rutte në Shqipëri
11.20 – Ceremonia e mirëseardhjes
11.30 – Takimi i homologëve Z.Rama-Z.Rutte
11.55 – Takim i delegacioneve Holandë-Shqipëri
12.30 – Konference për shtyp i kryeministrit Rama dhe kryeministrit të Holandës Rutte
14.00 – Vizitë në ambjentet e piramidës, për projektin e rijetëzimit në një qendër teknologjie.
