Kryeministri i Maqedonisë së Veriut, Zoran Zaev ka qenë i pranishëm ditën e sotme në Durrës, ku ka parë nga afër situatën e krijuar nga tërmeti.
Përmes një postimi në Facebook, Zaev zbulon edhe një vendim i cili do të merret ditën e sotme në samitin që do të zhvillohet mes liderëve.
Zaev deklaron se në mbledhjen e tretë Rajonale për Ballkanin do të firmoset një dokument për trajtimin e përbashkët të fatkeqësive natyrore dhe emergjencave.
Postimi i plotë:
Si një shprehje solidariteti me qytetarët e Shqipërisë, dhe në mbështetje të frymës dhe mbështetjes së banorëve të qyteteve dhe vendbanimeve të tjera që pësuan dëme nga tërmeti i 26 nëntorit, së bashku me Kryeministrin e Shqipërisë dhe drejtuesit e tjerë të pranishëm në një takim në Tiranë, ne vizituam këtë mëngjes Durrësin.
Ne u takuam me disa nga familjet që tani po rindërtojnë shtëpitë e tyre në vazhdën e fatkeqësisë tragjike, dhe riafirmuam gatishmërinë tonë për të vazhduar me mbështetje dhe ndihmë të mëtejshme në periudhën e rimëkëmbjes nga tërmeti.
Me vizitën në Durrës, ne njoftuam bashkëpunimin tonë të përbashkët në trajtimin e fatkeqësive natyrore dhe emergjencave që do të përfshihen në dokument për integrimin më intensiv të rajonit që do të miratohet sot në Tiranë
