OSHEE ka reaguar pas ndërprerjes së energjisë elektrike në zonën e ‘Unazës së Re’ dhe ‘Yzberishtit’ në kryeqytet. Defekti ka ndodhur në një kabinë private, për shkak të mungesës së kushteve teknike, dhe po punohet me intensitet për rikthimin e energjisë.
“Një pjesë e ‘Yzberishtit’ dhe ‘Unaza e Re’ ndodhen pa energji elektrike, për shkak të defektit të ndodhur në kabinën private “Giron”, e cila për shkak të mungesës së kushteve teknike, solli avari në fiderin F18 te Nst Kashar.
Brigadat e OSHEE Tirana1 po punojnë për rikthimin sa me shpejt të energjisë elektrike tek abonentët”, bën me dije OSHEE.
