Pas mesazhit të Ambasadores Amerikane, Yuri Kim, ka reaguar kryetari i PD-së Lulzim Basha.
Kim deklaroi se aktualisht nuk është koha për të bërë politikë si zakonisht.
Ndërsa Basha i është kundërpërgjigjur duke u shprehur se “Fokusi ynë është jeta, shëndeti dhe ekonomia e shqiptarëve, jo retorika politike”.
Reagimi i plotë i kreut të opozitës: “Falemnderit @USAmbAlbania & SHBA për ndihmën kundër #COVID19. @pdshqiperi do vazhdojë të insistojë për testim dhe distancim social, të ofrojë zgjidhje konkrete & të kërkojë transparencë nga qeveria.
Fokusi ynë është jeta, shëndeti dhe ekonomia e shqiptarëve, jo retorika politike”.
Ndërkohë, pak më herët Kim reagoi në këtë mënyrë: “Bisedova me Presidentin Ilir Meta, kryeministrin Edi Rama dhe Kreun e PD-së, Lulzim Basha, për t’i lavdëruar për bashkëpunimin e tyre në luftën kundër COVID-19.
Tani nuk është koha për të bërë politikë si zakonisht. Lufta nuk mund të fitohet pa bashkëpunimin dhe disiplinën si nga liderët politikë, ashtu edhe nga e gjithë popullsia, që nga Shkodra deri në Sarandë”.
