Ambasadorja e Shteteve të Bashkuara Yuri Kim ka zhvilluar një takim me deputetët e opozitës Rudina Hajdarin dhe Ralf Gjonin.
Ambasada Amerikane përmes një postimi të publikuar në rrjetin social Facebook ka zbardhur takimin në fjalë.
“Ambasadorja e Shteteve të Bashkuara Yuri Kim u shprehu deputetëve të opozitës Rudina Hajdari dhe Ralf Gjoni vlerësimin e saj për qëndrimin të angazhuar në procesin demokratik dhe vijueshmërinë e punës për çështje të rëndësishme në Parlament.
Gjatë takimit të tyre më 11 shkurt, Ambasadorja dhe dy deputetët biseduan gjithashtu edhe për rëndësinë e gjetjes së një rruge të përbashkët, si dhe për zbatimin e reformës zgjedhore, gjë e cila është thelbësore për forcimin e demokracisë së Shqipërisë dhe të ardhmen europiane të saj”, shkruan Ambasada.
