Ambasadorja amerikane Yuri Kim ka deklaruar mbështetjen për procesin e integrimit të Ballkanit Perëndimor në Bashkimin Europian. Qëndrimin pubik e shprehu në konferencën “Shqipëri-SHBA” që po zhvillohet në Tiranë në kuadër të 100 vjetorit të vendosjes së marrëdhënieve midis dy vendeve. Ajo tha gjithashtu se SHBA mbështet iniciativën e “Ballkanit të Hapur”, si një proces që do të kontribuonte në integrimin e rajonit në BE.
“Regjimi i Hoxhës mbylli vendin dhe u përpoq të helmojë miqësinë mes shqiptarëve dhe amerikanëve. Në vitin 1991 pati një fillim të ri.
Edhe pse kam parë me mijëra herë fotografi, ende më prekin shumë fotot e 300 mijë shqiptarëve. U mblodhën në Sheshin Skënderbej për të thënë se ne jemi me ju, për të dëgjuar sekretarin Baker se liria funksionon”, tha ajo.
Ambasadorja u shpreh gjithashtu se ka ende shumë për të bërë. “31 vite pas rënies së komunizmit mbetet ende shumë për të bërë. Mendoni sa shumë kemi përparuar”, tha ndër të tjera ambasadorja e SHBA-ve, Yuri Kim.
Ndër të tjera, Yuri Kim pas dyerve të konferencës pohoi se mbështet të drejtën në Ballkanin Perëndimor dhe integrimit në Evropë.
“Mbështesim të drejtën e Ballkanit Perëndimor të jenë të integruar në Evropë. Do përpiqemi të fshijmë çdo barrierë që ka mbetur nga “Ballkani i Hapur” për të gjitha vendet e rajonit”.
