Pak më herët, Ambasadorja e SHBA në Tiranë Yuri Kim dhe Luigi Soreca i shkuan në zyrë kryeministrit Edi Rama.
Në takimin që zgjati rreth një orë, ambasadorët falenderuan Ramën në lidhje me qëndrimin e tij për marrëveshjen e 5 qershorit duke theksuar se mirëpresin vazhdimin e diskutimeve të ndërsjella, në Këshillin Politik.
Ambasadori theksoi rëndësinë që të gjitha palët të marrin pjesë në mirëbesim, në mënyrë gjithëpërfshirëse dhe transparente.
Nga ana e tij, kryeministri Rama mësohet se i ka siguruar faktorit ndërkombëtar gatishmërinë për dialog edhe përtej 30 korrikut.
