Ambasadorja Yuri Kim ka vijuar turin e saj të vizitave mbarë vendit. Sikurse njofton Ambasada Amerikane në Tiranë, Kim ka qenë e pranishme në Vlorë, ku është takuar me një grup të rinjsh aktivistë dhe pjesëmarrës në programet amerikane për të rinjtë.
Në njoftimin e shpërndarë në Facebook, thuhet se nxënësit ndanë përvojat e tyre në projektet e teknologjisë, risive, pjesëmarrjes qytetare dhe zhvillimit të komuniteteve.
Ambasadorja Kim i nxiti që të vazhdojnë punë e mirë që kanë bërë deri më tani.
Njoftimi
Këtë javë, Ambasadorja Kim vizitoi Këndin Amerikan në Vlorë, ku u takua me një grup të rinjsh aktivistë dhe pjesmarrës në programet tona për të rinjtë. Nxënësit ndanë përvojat e tyre në projektet e teknologjisë, risive, pjesëmarrjes qytetare dhe zhvillimit të komuniteteve. Ata folën edhe mbi ndikimin që programet e Këndit Amerikan në Vlorë kanë sjellë për rininë në rajon. Ambasadorja Kim i uroi ata për nismat e tyre dhe i nxiti që të vazhdojnë punë e mirë që kanë bërë deri tani!
