Ministri i Brendshëm, Fatmir Xhafaj tha sot se histori personale e vëllait të tij, nuk e implikon qeverinë, duke i kthyer kështu përgjigje akuzave të Partisë Demokratike.
Në një deklaratë për median Xhafaj deklaroi se akoma nuk kam mundur të kuptojë se cili është problemi i personalitetit të tij si zyrtar me atë çka bërë apo çfarë ka bërë vëlla i tij, duke kijtuar se të njejtën mbrojtje ka bërë dhe vitet më parë.
“Nuk kuptoj çfarë kërkohet tjetër përveç baltosjes sime kur nuk kam pasur dhe nuk kam asnjë një lloj pushteti për të ndikuar”, deklaroi Xhafaj.
Minishtri shtoi se “Historia e tim vëllai që përflitet për vitin 2002 ku ai gjend në vendin e gabuar dhe me njerëzit e gabuar. Por kjo ngjarje nuk ka se si të lidhë punën time me veprimet e tij”.
“Sot Partia Demokratike paketoi mediatikisht si zbulim të ri një çështje të ndodhur në vitin 2002, e cila ka më shumë se 15 vjet që e sjell dhe e risjellë në vëmendje të publikut këtë çështje!! Dhe kjo ndodh sa herë që kundërshtarëve politike u duhet të luftojnë me baltë, çka nuk luftojnë dot me argumenta në punën time, si dje gjatë reformës në drejtësi ashtu edhe sot si Ministër i Brendshëm.
Vendimi i gjykatës italiane, lehtësisht i gjendshëm edhe online, i ditur dhe i njohur prej vitesh prej tyre dhe prej kujtdo tjetër të interesuar, shqiptar apo partner ndërkombëtar, i publikuar dhe i stërpublikuar në mediat prane tyre, ka ridalë sot si e vetmja armë kundërshtie mesa duket ndaj meje, sot si Ministër i Brendshëm.
Dhe mesa duket unë nuk duhet të bëjë gjë tjetër veçse të ripërsëris veten në lidhje me riprezantimin e kësaj akuze.
Duket e thjeshtë, por akoma unë nuk kam mundur të kuptoj se cili është problemi i personalitetit tim si njeri dhe si zyrtar në lidhje me çfarë bën, apo akoma më shumë se çfarë ka bërë para 15 vitesh im vëlla. Ndërkohë që nuk kam se si të kuptoj çfarë kërkohet sot tjetër përveç baltosjes sime, nëse në raport me këtë çështje as kam pasur e as kam asnjë lloj pushteti për të ndikuar në çfarëdolloj forme mbi të.
Kjo është një çështje e zhvilluar në Itali, në kohën kur këta që sot e rizbuluan ishin në pushtet, dhe asnjëherë në asnjë rast, as qeveria e tyre, as Qeveria tjetër më pas dhe as kjo Qeveri nuk janë kontaktuar as shkresërisht, as informalisht nga autoritetet e një vendi tjetër për të kërkuar çfarë do qoftë për këtë çështje.
Nuk kam se çfarë t’i shtoj më shumë atyre çfarë unë kam thënë publikisht në lidhje me këto akuza se sa unë kam thënë në 2002, 2005, 2010, 2016 dhe 2017.
Gjithkush i interesuar gjen në këto deklarime qëndrimin tim koherent në lidhje me këtë çështje.
Historia e tim vëllai, e lidhur me një ngjarje të vitit 2002, kur ai ishte një 25-vjeçar i gjendur në vendin e gabuar dhe nën shoqërinë e njerzëve të gabuar, nuk e implikon as dje dhe as sot qeverinë ku unë bëj pjesë. Ajo ka qënë e mbetet një histori e tij personale dhe vetëm e tij.
Cilido në këtë vend, përfshi dhe mua apo familjarët e mi nuk është mbi ligjin.
