Kreu i Qeverisë Edi Rama po mban mbledhje qeverie nëpërmjet “Skype” me ministrat, ku po flitet për masat që janë marrë nga ministritë përkatëse në lidhje me situatën e koronavirusit.
Ministrja e Mbrojtjes Olta Xhaçka, gjatë fjalës së saj, theksoi se janë ndihmuar mbi 6000 familje e individë në nevojë.
“Ne po ndihmojmë shtëpitë në nevojë në këto ditë. Ne po ndihmojmë në mënyrë intensive dhe kapilare. Ne kemi dërguar produkte ushqimore dhe joushqimore tek ata persona që realisht kanë nevojë.
Pensionistët nuk mund të dalin nga shtëpitë, pasi kanë rrezik më shumë, prandaj ne kemi ngritur skemë që të dhurojmë për pensionistë. Skema do të funksionojë në mënyrë piramidale.
Listat do të merren nga bashkitë ose njësitë administrative. Ne përpiqemi që të dërgojmë ndihma tek familjet në nevojë. Ne kemi ndihmuar mbi 6000 familje dhe individë me ushqime dhe me mjete të tjera”, tha Xhaçka.
