E hënë, 29 Nëntor, 2021
11.3 C
Tirana

“Mund të jenë dhe më pak se 600”/Gjonaj shpjegon aktin normativ për lirinë e përkohshme të dënuarve

Ministrja e Drejtësisë, Etilda Gjonaj ka sqaruar aktin normativ për lirimin e përkohshëm të rreth 600 të dënuarve për shkak të koronavirusit.

Në mbledhjen online që Rama po zhvillon me ministrat, Gjonaj u shpreh se do të ketë komisione të posaçme që do të shqyrtojnë dokumentet e të dënuarve.

Sipas saj, janë 3 formularë të cilët do të plotësohen nga të dënuarit dhe familjarët e tyre. Ajo tha se ata do të jenë në kontakt të vazhdueshëm me të burgosurit, ndërsa ata nuk do të lejohen të dalin nga shtëpitë e tyre.

“Me hyrjen në fuqi të aktit normativ, drejtori i burgjeve ka nxjerrë udhëzimet për ngritjen e komisioneve që do të shqyrtojnë dokumentet e të dënuarve. Komisioni i çdo IEVP do të jetë i pari që do të shqyrtojë kërkesën dhe dok e kërkuar nga legjislacioni. Janë miratuar 3 formularët, një që plotësohet nga i dënuarit dhe i dyti është deklarata e përgjegjësisë që firmos i dënuari që do të dalë dhe formulari i tretë, është ai që jep çdo familjar duke dhënë pëlqimin që personi i dënuar të rrijë në shtëpi.

Të gjitha IEVP kanë komunikuar me prokuroritë e rretheve dhe policitë për të marrë informacionin e nevojshëm për kriteret ndaluese që përmban akti normativ, nëse kanë rrezikshmërinë për ambientit ku do të jetojnë. Shërbimi i Brendshëm i Kontrollit të Burgjeve i përfshirë në këtë proces për masat që mund të kenë marrë të dënuarit. I gjithë procesi është i rregulluar nëpërmjet akteve. Është ngritur dhe komisioni i posaçëm i ankimeve që do të marrë në shqyrtim çdo vendimmarrje nëse ka ankesa nga persona që nuk iu është miratuar leja.

Numri total i cili është nxjerrë deri tani është 600 por nuk do të thotë se ky është numri final, pasi mund të ulet nëse ata nuk përmbushin kriteret”, tha ministrja Gjonaj.

- Reklama -

Më shumë nga kategoria




Të fundit

Rama “ngre traun”, hapet zyrtarisht “Rruga e Arbërit” (VIDEO)

“Rruga e Arbërit” është hapur sot për qarkullimin e automjeteve. Kreu i qeverisë Edi Rama ka zgjedhur këtë ditë simbolike, siç është festa e...

“I dashuri më hoqi unazën nga dora, kur mësoi se kisha dy djem”

25-vjeçarja nga Durrësi, e cila braktisi familjen për 1 javë për t’u strehuar te familja e të dashurit, ka rrëfyer për emisionin “Me Zemër...

“Mes jetës edhe vdekjes”, Adriana Matoshi me tumor në kokë

Aktorja e njohur dhe deputetja në Kuvendin e Kosovës, Adriana Matoshi, ka njoftuar lajmin e hidhur se asaj i është rikthyer sërish tumori në...

Presidenti i infektuar dekreton kryeministrin përmes një ‘kutie xhami’

Presidenti çek Milos Zeman, ka dekretuar kryeministrin Petr Fiala, ndërsa qëndronte brenda një kutie xhami pasi rezultoi pozitiv për koronavirusin. Presidenti Milos Zeman dhe...

Einxhel dhe Dj Dagz nuk i rezistojnë dot njëri-tjetrit, me duar të shtrënguara

Në "Big Brother" janë vënë re mjaft afrimitete nga lojtarët. Pas ikjes së Semit, brenda shtëpisë është vënë re një afrimitet mes Donaldit dhe...