Presidenti i Serbisë, Aleksandar Vuçiç, ka reaguar pas deklaratës së kryeministrit kosovar, Avdullah Hoti, se Kosova do vijojë aplikimet për anëtarësimin në organizata ndërkombëtare.
Vuçiç ka paralajmëruar se nëse kjo vazhdon ai do të vijojë fushatën e çnjohjeve për Kosovën.
“Iu premtoj se do të jemi pesëfish me të suksesshëm në aksionin e tërheqjes së njohjeve”, tha ai.
Lideri serb i kërkoi Hotit që të mos i nënvlerësojë forcat serbe të sigurisë dhe se nuk do të arrihet asgjë “me ngritjen e tensioneve”.
“Nëse dikush mendon se përmes provokimeve do të mund të arrijë ndonjë rezultat – nuk do ta shihni atë film”, tha ai për gazetarët.
Ai ka paralajmëruar se Serbia do të presë që fillimisht ta shohë përpjekjen e Kosovës për t’u anëtarësuar në ndonjë organizatë ndërkombëtare dhe se më pas “po qe se nuk i qetësojnë mentorët e tyre”, do ta vazhdojë fushatën e tërheqjes së njohjeve.
