Tetë muaj pas tërmetit, Policia e Durrësit ka ndaluar pronarin e lokalit “Barons”, i cili ishte shpallur në kërkim.
Ky i fundit kishte bërë ndërhyrje në biznesin e tij të cilat kishin sjellë dëme në strukturën e pallatit 6-katësh.
Mësohet se personi i ndaluar është 44-vjeçari me iniciale A. T., banues në Durrës.
Gjykata e Shkallës së Parë Durrës ka caktuar masën e sigurisë “Arrest në burg” për 44-vjeçarin, pasi dyshohet se nga ndërhyrjet që ka bërë në biznesin e tij lokal, në lagjen nr. 6 dhe nga tërmeti i datës 26.11.2019 është shembur pallati 6-katësh dhe si pasojë humbën jetën 2 shtetase.
