E diel, 16 Janar, 2022
-3.5 C
Tirana

Vuçiç flet për Kosovën: Jemi për ura komunikimi

Presidenti i Serbisë, Aleksandar Vuçiç, e ka vënë theksin sot në takimin “Ballkani i Hapur” në vendosjen e urave të komunikimit. Ai ka folur sot në Tiranë për marrëdhënien e Beogradit me Prishtinën zyrtare, ndërsa shtoi se Kosova është e lirë që të marrë pjesë në nismën “Ballkani i Hapur”. Gjatë fjalës, ai tha se do donte që të fitonte ca pikë si nacionalist në Serbi, meqë tre muaj më pas janë zgjedhjet, por vendosi që të mbante një gjuhë neutrale. Vuçiç pohoi se shumë fusha bashkëpunimi shtrihen para nesh, e njëkohësisht duhet të sigurohemi që të ruajmë paqen. Ai vendosi pikat mbi “I”, duke thënë se ky është projekt paqeje.

“Besoj se ne jemi përgjigjur këtë për raste të ndryshme. Zgjedhjet do të zhvillohen në Serbi për 3 muaj. Do ju përgjigjem sot, drejtpërdrejtë që të fitoj ca pikë nacionaliste në vendin tim. Do ju habis me përgjigjen time, tejet racionale.

Do ju përgjigjem se pse po e bëjmë këtë. Kemi pikëpamje të ndryshme lidhur me Kosovën. Serbia, Shqipëria, Maqedonia, kanë pikëpamje të ndryshme me këtë çështje, Beogradi dhe Prishtina kanë pikëpamje të ndryshme. Nuk mendoj që është produktive për mua që t’i ftoj, sepse në momentin që ftoj dikë nga Prishtina, thonë që meqë e bëri ai ftesën, ne nuk do të vijmë.
Kjo nuk është arsye që mos të flasim. Ne mund të përmendim pikat e kalimit kufitar në Jarinjë, megjithatë, të flasim për thelbin. A do të jetë më e lehtë për shqiptarët dhe serbët, nëse s’do të kishte të tillë kufijtë apo radhë që njerëzit të lëviznin lirisht?! Këto krijojnë probleme të pafundme. Do ishte më e lehtë që mos të ishin. S’ka njeri, qoftë në Prishtinë, apo në Mitrovicë, Beograd dhe Tiranë, që s’do të ishte dakord kështu. Do të humbasin kohë, ata që nuk i bashkohen. Ka vetëm përfitime nga kjo nismë. Dje këshilltarët e mi, zyrtarë, më thanë se do të kthehemi, kemi zgjedhje në 3 muaj.

Më thonin se nuk duhet të shkoja në Shqipëri, se pati probleme me flamurin. Por të tjerë njerëz e bënë këtë, dhe Rama erdhi në Beograd. Nëse çështja është se kush djeg më shumë flamuj, nuk është kjo zgjidhja. Jemi për të ndërtuar ura komunikimi. Miliona fusha bashkëpunimi shtrihen para nesh. Miliona fusha, por duhet treguar përgjegjësi. Mos të bëhemi apo të patronizojmë politikat e përditshme. Duhet të sigurohemi që të ruajmë paqen. Ky është projekt paqeje”, tha Vuçiç.

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...