Lideri i Lëvizjes “Dveri” në Serbi, Boshko Obradoviq, deklaroi se Presidenti i Serbisë, Aleksandar Vuçiç, është i gatshëm të pranojë pavarësinë e Republikës së Kosovës.
Obradoviq në një intervistë për “Nova.rs” u shpreh se Vuçiç që nga viti 2013 ka treguar se “është i gatshëm të japë pjesë të territorit të shtetit”.
Sipas politikanit serb, Vuçiç një gjë të tillë e ka premtuar kur ka nënshkruar marrëveshjen e Brukselit:
“Presidenti serb ka premtuar se do ta njohë pavarësinë e Kosovës përpara se të vinte në pushtet dhe tashmë duhet të përmbushë një premtim të tillë që e ka dhënë”.
Obradoviq në mbyllje të intervistës pohoi se është i bindur se ka pasur negociata sekrete në dy vitet e fundit, shkruan “gazeta express”.
