Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi.
Në emisionin e gazetarit grek Angeliki Nikoloudi, është shfaqur skema sesi autorët u larguan nga banesa e çiftit me një makinë tip BMW, e cila dyshohet se është e markës E36 ose E39, shkruan Protothema.
Të dyja këto lloje automjetesh janë me fenerë dhe drita të vogla që sipas grupit hetimor, janë në përdorim nga një grup kriminal shqiptar. Të gjitha makinat e tjera që janë filmuar nga kamerat e sigurisë teksa kalojnë janë identifikuar, dhe e vetmja është automjeti tip BMW me ngjyrë të errët.
Krijohet identiteti i vrasësit
Policia greke ka krijuar identitetin e vrasësit të 20-vjeçares Caroline, i cili besohet se është shqiptar, pas dëshmisë së dhënë nga bashkëshorti i saj.
Nga dëshmia e tij, personi është përshkruar me një gjatësi 1.70 cm, fytyrë e rrumbullakët, sy ngjyrë hiri, qafë e shkurtër, shpatulla të gjera dhe mbi 35 vjeç.
Sipas hetuesve, shqiptari i urren gratë, e madje i keqtrajton brutalisht, dhe për këtë arsye, ai nuk e ka patur aspak të vështirë që të kryejë një vrasje të tillë.
Përpjekjet intensive dhe të pandalshme të autoriteteve greke dhe bashkëshortit të Carolines, Charalambos, zbuluan se gjuha në të cilën flisnin vrasësit brutal të 20-vjeçares Caroline ishte shqipja.
