Një 31-vjeçar shqiptar, i identifikuar si Paulin Mecaj, është arrestuar nga policia italiane, si i akuzuar për vrasjen e një ish-bankieri, ngjarje e ndodhur mbrëmjen e djeshme në qytetin e Leçes.
69-vjeçari Giovanni Caramuscio, i cili tashmë ishte në pension, u ekzekutua para syve të gruas së tij, në momentin që ai sapo kishte tërhiqur para nga një ATM, shkruan media italiane, Lecce News24.
Italiani mori të paktën dy goditje në gjoks, dhe u rrëzua përtokë, i pajetë ndërsa shqiptari i tij u largua në këmbë me një bashkëpunëtor, i cili mendohet se gjithashtu është shqiptar, dhe është shpallur në kërkim.
Pasi mori paratë, 69-vjeçari u drejtua për në makinën e tij ku e priste bashkëshortja, kur befas para tij dalin shqiptarët, te maskuara me maska anti-covid, për t’i marrë paratë. Në momentin që ai ka bërë rezistencë, është qëlluar të paktën 5 herë, dhe humbi jetën në vend.
Karabinierët, në momentin që mbërritën në vendngjatje, rrethuan zonën dhe filluan të gjitha hetimet, dhe arritën në gjurmët e njërit prej shqiptarëve, pasi kishte lënë gjurmë, ndërsa fati i bashkëpunëtorit të tij, ende nuk dihet.
