Dorëzohet në policinë e Korçës autori i vrasjes së Altin Balliut, ngjarje kjo e ndodhur më 17 janar. Olgert Mustafa u dorëzua në polici, ndërsa rezulton se është person me precedencë penale të mëparshme.
Ngjarja e 17 janarit
Ngjarja ndodhi për shkak të një makine. Një grup miqsh ishin ulur brenda një lokali, ndërsa para lokalit gjendej makina e tyre që kishte bllokuar rrugën. Autori i vrasjes kërkoi të kalonte, por rruga ishte e zënë.
Kjo ka sjellë sherrin mes dy palëve. Më pas, autori 34-vjeçar është larguar për t’u kthyer pas disa minutave ku ka qëlluar me armë drejt këtij grupi, duke lënë të vdekur 30-vjeçarin Altin Balliun, të cilin e kapën plumbat në kokë.
