Dita e sotme mbizotërohet nga mot i kthjellët dhe vranësira të lehta e kalimtare gjate orëve të paradites, por pjesa e dytë e ditës do të sjelle vranësira disi më të dendura ku më të theksuara do të jenë në zonat malore përgjatë kufirit Lindor, duke rrezikuar shira të izoluar në ekstremin Jugor-Juglindor.
Parashikohet që orët e mbrëmjes të sjellin përmirësim të dukshëm të motit duke rikthyer kthjellimet në të gjithë territorin e vendit. Temperaturat e ajrit do të rriten në mëngjes, por konstante vijojnë temperaturat e mesditës duke luhatur vlerat ditore nga 11°C deri në 32°C.
Era do të fryjë e lehtë si në tokë dhe në det me shpejtësi 28 km/h nga drejtimi veri-veriperëndimor, duke krijuar në brigjet detare dallgëzim të ulët.
