Një ngjarje e rëndë ndodhi mbrëmjen e djeshme në fshatin Stom-Golem të Shkodrës, ku një 76-vjeçar është qëlluar 16 herë me pistoletë. 76-vjeçari Lulash Qipuri u vra në lokalin e tij, ndërsa në vendngjarje ka qenë edhe i biri i tij, i cili i është kundërpërgjigjur autorit me shotgun. Autori ka qenë i maskuar dhe pasi ka qëlluar në drejtim të 76-vjeçarit, është larguar. I moshuari është dërguar në gjendje të rëndë në spital, dhe pas ndërhyrjes nga mjekët, nuk ka mundur t’i mbijetojë plagëve të marra.
Autori ka qenë i maskuar në momentin që ka mbërritur në lokalin e Qipurit, ku ka qëlluar me pistoletë në drejtim të tij. Në vendin e ngjarjes janë gjetur 26 gëzhoja. Pas të shtënave ka reaguar djali i 76-vjeçarit, i cili ka qëlluar 10 herë me shotgun në drejtim të autorit, por ky i fundit është larguar me vrap, dhe ka hipur në një makinë që e priste pak më lart.
76-vjeçari ka qenë i arrestuar në vitin 2011
Qipuri rezulton i arrestuar në vitin 2011, pasi gjatë kontrollit në shtëpinë dhe lokalin e tij në atë kohë i është gjetur drogë dhe kallashnikov. Konkretisht policia i ka sekuestruar në atë kohë 1 armë zjarri Automatik mod.56, 1 armë zjarri tip Revolver shtatëshe, 262 copë fishekë të modeleve të ndryshme, fitila zjarr përcjellës, 111 copë kapsolla detonatorë, si dhe një qese prej 55 gram me fara të bimëve narkotike kanabis sativa.
Njoftimi i policisë:
Shkodër/Informacion paraprak
Rreth orës 21:40, në fshatin Stom Golem, Shkodër, është qëlluar me armë zjarri në rrethana ende të paqarta shtetasi L. Q. rreth 76 vjeç, i cili ka ndërruar jetë në Spitalin Rajonal Shkodër. Grupi hetimor nën drejtimin e Prokurorisë po vijon punën për zbardhjen dhe sqarimin e plotë të rrethava të ngjarjes.