Përsëri një përgjigje negative për Shqipërinë nga Bashkimi Evropian. Ministrat e Jashtëm të vendeve anëtare, votuan kundër hapjes së negociatave për Shqipërinë, duke e shtyrë vendimin për në vitin 2019.
Në një kohë kur Kryeministri Edi Rama e ka quajtur një veprim pozitiv shtyrjen e afatit, opozita e cilësoi si dështim. Por, shqiptarët vazhdojnë të presin, ditën kur Shqipëria do të marrë statusin e vendit anëtar.
Tirana Today pyeti sot qytetarët se kë fajësonin për lënien e vendit përsëri pezull për një përgjigje pozitive.
Shumë prej tyre janë të mendimit se janë vetë shqiptarët fajtorë për këtë fakt, pasi duhet të mësohen me rregullat dhe ligjet. Ndërkohë, të tjerë fajësojnë politikën shqiptare, e cila i jep shpresa të rreme popullit. TIRANA TODAY
