Bashkia e Shkodrës paralajmëron KZAZ-të që të mos tentojnë të futen në ambientet që kanë përcaktuar, përndryshe do të përballen me ligjin.
Kryebashkiakja Voltana Ademi ka firmosur një shkresë, ku shprehet se bashkia do të zbatojë dekretin e presidentit Meta që anuloi zgjedhjet, prandaj asnjë individ i paautorizuar të mos tentojë që të hyjë në ambientet, në pronësi të bashkisë.
‘Jemi të vendosur ti menaxhojnë ambientet në zbatim të ligjit 139/2015. Për vetëqeverisjen vendore. Në çdo rast që do të cenohen institucionet, të gjithë shkelësit do të kallëzohen penalisht. Objektet janë të paprekshme pa lejen e bashkisë’, thuhet në njoftimin e shpërndarë.
Njoftimet për këtë deklaratë, janë vendosur në vendet e përcaktuara për KZAZ-të në këtë zonë.
