Donald Trump, për herë të parë ka pranuar se Joe Biden është fituesi i zgjedhjeve në SHBA, por në të njëjtën kohë i mëshon fort faktit se këto zgjedhje u manipuluan.
Përmes një postimi në Twitter, Trump shkruan se Joe Biden “fitoi, por sepse zgjedhjet u manipuluan”.
“Asnjë vëzhgues votash nuk u lejua, votat u llogaritën nga një kompani private, radikale e djathtë me reputacion të keq, Dominion, pajisje defektoze si dhe media false, e heshtur dhe më tepër”, shkruan Trump.
Më tej presidenti Trump vijon me akuzat duke thënë se “të gjitha defektet që u raportuan natën e votimeve, ishin në fakt ata që u kapën duke vjedhur votat. Ia dolën mjaftueshëm, sidoqoftë pa u kapur. Votimi me postë është një shaka e ligë”.
Trump u angazhua në një betejë padish ligjore, dhe pretendime të pabazuara në mediat sociale, në një përpjekje të sforcuar për të përmbysur rezultatin e zgjedhjeve.
