Një makinë tip “Golf” ka rrezikuar jetën e një kalimtari në Vlorë. Pamjet në fjalë tregojnë se si një mjet që po ecën me shpejtësi, përfundon në një dyqan në qytetin bregdetar. Ngjarja ka ndodhur dje, ku mjeti ka humbur kontrollin dhe ka përfunduar në një dyqan lulesh. Në momentin kur ka marrë kthesën, makina ka rrëshqitur duke përfunduar në biznesin aty pranë.
Dy personat të cilët ndodheshin në automjet janë larguar nga vendngjarja, ndërkohë që banorët dhe policia nxorën automjetin nga dyqani i luleve me ndihmën e një karotreci. Nuk dihet nëse shoferi i mjetit është ndaluar nga policia.
