Vlorë: Gruaja mban burrin të vdekur në banesë prej ditësh

Një ngjarje e rëndë raportohet nga qyteti i Vlorës. Mësohet se një grua ka mbajtur të vdekur në banesë burrin e saj prej disa ditësh.

Lajmi bëhet i ditur për “BalkanWeb” nga gazetari Enrik Mehmeti, ku thekson se bëhet fjalë për shtetasen Valentina Prenga, e cila dyshohet se ka probleme mendore. Kanë qenë banorët e lagjes, të cilët kanë njoftuar policinë dhe kjo e fundit ka shkuar ditën e sotme në banesën e gruas, por që kjo e fundit nuk i ka hapur derën.

Në këtë mënyrë, mësohet se uniformat blu janë detyruar të thyejnë derën dhe të futen brenda. Ngjarja e rëndë ka ndodhur në lagjen “1 Maji” të qytetit të Vlorës, ku viktimë është shtetasi Llazar Prenga.