Zyrtarisht kreu i kompanisë “Amazon”, Xhef Bezos cilësohet aktualisht si njeriu më i pasur në botë. Por në realitet, ai mund të jetë presidenti rus Vladimir Putin. Ekspertët debatojnë ende mbi vlerën e pasurisë së tij.
Por amerikania “Hermitage Capital Management”, llogarit se presidenti rus ka një pasuri prej 200 miliardë dollarësh. Dhe kjo kur zyrtarisht paga e tij vjetore është vetëm 120 mijë euro.
Një raport i Konsorciumit Ndërkombëtar të Gazetareve Investigativë, zbulon se shumica e pasurisë së Putinit zotërohet ligjërisht nga bashkëpunëtorët e tij të ngushtë dhe anëtarët e familjes.
Putin besohet se nisi të pasurohej që në vitin 1991, kur pasi u largua nga KGB, u zgjodh nënkryetar i bashkisë së Shën Peterburgut, vendlindja e tij.
Në vitet 1990, qyteti cilësohej si “kryeqendra e botës së krimit” në Rusi, ku jetonin bosët dhe trafikantët më të mëdhenj të drogës dhe armëve. Në krye të vendit që nga viti 1999, kur u zgjodh kryeministër, Putin pritet të thyejë edhe rekordin e diktatorit sovjetik Josif Stalin.
TIRANA TODAY
