Kryeministri Edi Rama zhvilloi një vizitë zyrtare në Greqi, ku u takua Ministrin e Jashtëm grek, Nikos Dendias dhe homologun, Kyriakos Mitsotakis.
Kreu i qeverisë u shpreh falenderues për mikpritjen nga Mitsotakis dhe tha se gjatë takimit u diskutua për situatën e covid, marrëdhënieve mes dy vendeve dhe problematikave rajonale.
Sipas Ramës, ka një vullnet nga të dyja palët për ta zhvilluar më tej këtë marrëdhënie strategjike.
”Falenderues për shijen e shkëlqyer të mikpritjes në shtëpinë e kryeministrit Mitsotakis, ku bëmë një bilanc të situatës me Covidin, marrëdhënies mes dy vendeve tona dhe problematikave rajonale! Vullnet i plotë për ta zhvilluar bashkarisht më tej këtë marrëdhënie strategjik’’, shkruan Rama në rrjetin social, Twitter.
Falenderues për shijen e shkëlqyer të mikpritjes në shtëpinë e kryeministrit Mitsotakis, ku bëmë një bilanc të situatës me Covidin, marrëdhënies mes dy vendeve tona dhe problematikave rajonale! Vullnet i plotë për ta zhvilluar bashkarisht më tej këtë marrëdhënie strategjike????? pic.twitter.com/QzGx074KrQ
— Edi Rama (@ediramaal) January 8, 2021
Vizita e Ramës në Athinë vjen pas një qëndrimi dyditor në Ankara dhe në kohën kur Shqipëria dhe Greqia kanë shprehur gatishmërinë për t’i zgjedhur mosmarrëveshjet për ndarjen e kufirit detar në Gjykatën e Hagës.
Një ditë para se të nisej në Turqi, Rama ka zhvilluar një bisedë telefonike me ministrin Dendias. Ky i fundit shkruante se në këtë bisedë kanë folur për zhvillimet më të fundit rajonale.
