E martë, 26 Janar, 2021
4 C
Tirana

Haradinaj refuzon të paraqitet para Dhomave të Specializuara

Nënkryetari i Organizatës së Veteranëve të Ushtrisë Çlirimtare të Kosovës, Nasim Haradinaj, ka refuzuar që të marrë pjesë në seancën para Dhomave të Specializuara, ku duhej që të deklarohej fajtor apo i pafajshëm lidhur me aktakuzën që ky institucion ka ngritur ndaj tij.

Në seancën që u mbajt të premten në Hagë, pala mbrojtëse e Haradinajt tha se ai nuk do të marrë pjesë në këtë seancë “si protestë për mënyrën se si është trajtuar”.

Me këtë rast, gjykatësi i Procedurës Paraprake, Nicolas Guillou, tha se ai do të bëjë deklarim të pafajësisë në emër të Haradinajt “në të gjitha pikat e aktakuzës”.

Pas kësaj, pranë Dhomave të Specializuara u mbajt konferenca statusore në rastin e Nasim Haradinajt dhe Hysni Gucatit. Konferencën statusore, apo konferencën mbi ecurinë e çështjes, e thërret gjykatësi i procedurës paraprake dhe ajo ka për qëllim organizimin e shkëmbimeve ndërmjet palëve. Në këtë konferencë, Prokuroria tregon çfarë lloji të provave disponon.

Nga Prokuroria e Specializuara thanë se ata kanë tri paketa me materiale për këtë çështje, duke shtuar se pasi aktakuza është konfirmuar në dhjetor, mbrojtja ka mundur që të nisë përgatitjet. Prokuroria tha se 19 shkurti mund të jetë afati për nxjerrjen e materialeve të sekuestruara. Megjithatë, Zyra e Prokurorit të Specializuar tha se nuk pret se nga nxjerrja e materialeve të jetë voluminoze.

Prokuroria kërkon që gjykimi ndaj Gucatit dhe Haradinaj të nisë në pranverë të këtij viti, ndërkaq, mbrojtja ka kërkuar që të nisë në verë apo në mes të verës.

Avokatët mbrojtës po ashtu kanë kërkuar që t’u jepen materialet e sekuestruara gjatë arrestimit të Gucatit dhe Haradinajt. Ata kanë thënë se nëse Prokuroria refuzon ta bëjë një gjë të tillë, duhet të tregojë se nëse materialet përmbajnë informacion të mbrojtur ose jo.

Prokuroria e Specializuar ka njoftuar se ka 838 faqe materiale dhe 27 materiale audio apo filmike.

Avokatët e Gucatit dhe Haradinajt kërkuan së paku një ose dy muaj për të kryer hetimet e nevojshme që të mund të përgatisin mbrojtjen dhe kërkuan që Zyra e Prokurorit të Specializuar të nisë me nxjerrjen e materialeve, përfshirë edhe materialet shfajësuese.

Lexo edhe :   Ulet numri i viktimave nga Covid-19 në Kosovë, 288 raste të reja

Gjykatësi Guillo më 11 dhjetor konfirmoi aktakuzën ndaj Haradinajt dhe udhëheqësit tjetër të Organizatës së Veteranëve të Luftës së Ushtrisë Çlirimtare të Kosovës, Hysni Gucatit.

Dhomat e Specializuara thanë se aktakuza ka të bëjë me “vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës”.

Këto vepra penale dyshohet se janë kryer në periudhën 7-25 shtator 2020.

Lexo edhe :   Rritet numri i viktimave nga Co*id-19 në Kosovë, mes tyre edhe një 29-vjeçar

Sipas aktakuzës, Gucati dhe Haradinaj “zbuluan pa autorizim informacion të mbrojtur prej Ligjit të Dhomave të Specializuara, ndër të cilat të dhëna identifikuese të disa dëshmitarëve (të mundshëm), në tri konferenca shtypi dhe aktivitete të tjera të transmetuara, si edhe nëpërmjet shpërndarjes së mëtejshme ku përfshihen deklaratat në rrjetet sociale”.

Haradinaj dhe Gucati janë arrestuar më 25 shtator në Prishtinë dhe u transferuan në qendrën e paraburgimit në Hagë.

Në muajin shtator të vitit 2020, OVL e UÇK-së tha se ka pranuar – në mënyrë anonime – dosje që lidhen me Prokurorinë Speciale.

Përmbajtja e tyre nuk është bërë e njohur dhe nuk është konfirmuar nëse ato janë autentike ose jo.

Dhomat e Specializuara dhe Prokuroria e Specializuar në Hagë, që ndryshe njihen si Gjykata Speciale, merren me hetimin e krimeve të supozuara të luftës të pjesëtarëve të ish-Ushtrisë Çlirimtare të Kosovës.

Deri më tash, ky institucion ka njoftuar se ka konfirmuar aktakuzën për krime lufte kundër disa ish-eprorëve të Ushtrisë Çlirimtare të Kosovës, në mesin e tyre: Hashim Thaçi, Kadri Veseli, Rexhep Selimi, Jakup Krasniqi dhe Salih Mustafa.

Të gjithë këta të fundit ndodhen në objektet e paraburgimit në Hagë./REL/

- Reklama -

Më shumë nga kategoria




Të fundit

Kur lali Eri gjobit Ndrangheta-n

Nga: Dritan Hila Sapo kapën implikimin e tre personave italianë që bënin kështjella në rërë për biznese në Tiranë dhe ku përmendej edhe mafia kalabreze,...

Kryemadhi euforike: LSI e vetmja parti në rritje

Kryetarja e LSI, Monika Kryemadhi ka rrëfyer për rrugëtimin e partisë së saj dhe ku ndryshon ajo këto zgjedhje nga zgjedhjet e tjera. Kryemadhi konstaton...

“Shko te nëna jote”/ Lukaku tërbohet nga provokimet e Ibrahimoviç (Video)

Derbi mes Interit dhe Milani ka regjistruar përveç golit të Ibrahimoviçit dhe përplasjen e ashpër verbale mes yllit suedez dhe sulmuesit të Interit, Romelu...

Grabitje me armë në Tiranë, farmacisë i merret e gjithë xhiroja ditore

Një grabitje me armë zjarri ka ndodhur mbrëmjen e sotme në një farmaci në Tiranë, pas shkollës 'Sami Frashëri'. Hajduti i armatosur dhe me maskë,...

Kryemadhi: Varfëria ka arritur kulmin. Me këtë ritëm, njerëzit do vjedhin

Ditëne  djeshme, Kryetarja e Lëvizjes Socialiste për Integrim, Monika Kryemadhi, prezantoi programin elektoral me të cilin do kërkojë votat e shqiptarëve më 25 prill. E...