Lidhur me virusin e përhapur në Kinë që i ka marrë jetën 26 personave, ministrja Manastirliu ka nxjerrë urdhrin e prerë. Strukturat përgjegjëse duhet të marrin masat për vënien në zbatim të planeve të emergjencës, për reagimin ndaj infeksioneve virale, sipas shkallës së rrezikshmërisë. Sakaq, Ministria e Shëndetësisë dhe Mbrojtjes Sociale sqaron opinionin publik se Shqipëria është vend me rrezikshmëri të ulët, për t’u prekur nga koronavirusi i ri i i identifikuar në Wuhan, Kinë.
Ministrja e Shëndetësisë, Ogerta Manastirliu, ka nxjerrë një urdhër për marrjen e masave parapërgatitore, për t’u mbrojtur nga depërtimi i koronavirusit të ri. Sipas urdhrit të Ministrisë së Shëndetësisë, ISHP duhet të përforcojë survejancën e infeksioneve të rënda respiratore akute, në bashkëpunim me të gjitha spitalet e vendit.
Urdhri specifikon që ISHP të përgatisë përkufizimin e rastit, udhëzimet për survejancën, hetimin epidemiologjik dhe menaxhimin e rasteve në përputhje me Rregulloren Ndërkombëtare të Shëndetit.
Virusi me origjinë nga Wuhan, një qytet me 11 milion banorë në Kinën qendrorë, ka vrarë 26 njerëz dhe ka lënë të sëmurë më shumë se 530 persona. Raste vdekje janë raportuar në Tajlandë, Kore të Jugut, Japoni, Tajvan dhe Shtetet e Bashkuara.
Pse rrogat rriten në letra, por varfëria rritet në realitet?
