Aktualitet

“Ndihmuan Gardën iraniane”/ SHBA-ja “u pret krahët” katër gjigantëve të naftës


               Publikuar në : 10:47 - 24/01/20 Gentjan Progni

Shtetet e Bashkuara të Amerikës kanë shtuar sanksionet ndaj Iranit. Bëhet me dije se së fundmi janë sanksionuar katër kompani gjigante të ekspertit të naftës, pasi ndihmuan Gardën Revolucionare të Iranit, e shpallur si organizatë terroriste nga SHBA-ja.

Sanksionet u njoftuan dje (23 janar), teksa situata e tensionuar ndërmjet SHBA-së dhe Iranit ka ndalur në një pikë kulmore që pas sulmit me raketa balistike të Iranit ndaj bazave amerikane në Irak.

“Shtetet e Bashkuara janë duke ndërmarrë masa të reja në kuadër të fushatës sonë me presion maksimal, duke i mohuar regjimit iranian të gjitha burimet përmes së cilave financon aktivitete destabilizuese”, ka thënë Sekretari amerikan i Shtetit, Mike Pompeo përmes një deklarate.

Pompeo tregoi që kompanitë e sanksionuara janë me bazë në Hong Kong, njëra në Shangai dhe një tjetër në Dubai.

 


Kthehu
WhatsApp Denonco ne TT