Në një takim me nxënësit dhe mësuesit e shkollës “Leonik Tomeo” në Durrës, kryeministri Rama ndau një histori personale sesi koronavirusi i ka marrë jetën një të njohuri të tij.
Ai tregoi rastin e vëllait të shokut të tij, i cili e humbi betejën me Covid-19. Rama tha se e njihte personalisht dhe ai ishte i ri.
“Jo më larg se dje unë dëgjova për një person që e kam njohur personalisht. Vëllai i një shokut tim që humbi jetën, e nuk ishte në një moshë shumë të madhe, ishte i ri. Askush nuk e përcakton dot deri në fund se si dhe pse virusi bën gjëmën tek dikush dhe shfaqet në mënyrë komplet të padukshme te dikush tjetër.
Problemi është që shumë nga ne mund ta marrin e se marrin vesh që e kanë, s’ndiejmë asgjë, vazhdojmë jetën normalisht. E prandaj duhet të sillemi sikur e kemi virusin, se ia kalojmë familjarëve, miqve e shokëve”, tha kreu i qeverisë.
