Një tjetër largim i bujshëm ka ndodhur në ekranin e Abc News, pas asaj të gazetares Juli Xhokaxhi.
Mirela Milori ka konfirmuar se ka shkëputur marrëdhëniet me televizionin Abc News. Një prej figurave kryesore të ekranit të Abc News është larguar nga televizioni krejt papritur. Milori shkruan në Instagram se vitet e punës në këtë ekran do të mbeten të çmuara, dhe me shumë vlerë në karrierën e saj.
“Miq! Në vazhdim të interesimit tuaj, po ju konfirmoj që jam larguar nga ABCNews. Vitet e punës në këtë ekran, do të mbeten të çmuara dhe me shumë vlerë në karrierën time! Faleminderit të gjithë bashkëpunëtorëve të mi në këtë televizion, ftesa për kafe mbetet e hapur 🙂 ! Miqësisht M ❤”, shkruan ajo në një postim në Instagram.
Dje ishte gazetarja Juli Xhokaxhi ajo që njoftoi mbylljen e emisionit të saj që transmetohej në Abc News “Byro Politike”, ku në një postim në rrjetet sociale thoshte se arsyet e këtij vendimi nuk ia kishte komunikuar askush nga drejtuesit.
