Koronavirusi ka prekur 33 persona në Shqipëri, duke bërë që vendi të hyjë në një ‘shtetrrethim’.
Qeveria ka vendosur të mbyllë të gjitha bizneset, duke lënë të hapura vetëm supermarketet, farmacitë dhe furrat e bukës.
Gjithashtu është pezulluar edhe transporti publik për një kohë të pacaktuar. Ndërsa deri në fund të fundjavës është ndaluar edhe qarkullimi me makina personale.
Rrugët e kryeqytetit dhe jo vetëm ishin të zbrazura ditën e sotme, me shumë pak njerëz që kishin dalë në qarkullim.
Frika e qytetarëve të cilët janë mbyllur në shtëpi është e madhe, pasi janë informuar me pasojat që ky virus ka sjellë në vendet e tjera të botës.
Mirëpo si duket kjo frikë nuk i ka ndalur ata t’i kushtojnë një këngë kësaj epidemie të rrezikshme, e cila shënoi edhe viktimën e parë në vend dy ditë më parë.
Video e dy vëllezërve Lleshi, të cilët i kanë kushtuar disa vargje koronavirusit, po shpërndahet masivisht në rrjetet sociale.
