Li-Meng Yan, një virologe kineze e cila pretendon se koronavirusi ka dalë nga një laborator ushtarak, ka publikuar “fakte” të tjera për të mbështetur teorinë e saj.
Mediat britanike raportojnë se virologia pretendon se virusi u ndërtua duke shkrirë materialin gjenetik të dy koronavirusëve të lakuriqëve.
Sipas saj, proteina “spike”- një strukturë në sipërfaqen e virusit, e cila përdoret nga ky i fundit për tu lidhur me qelizat – është ri-modifikuar për ta bërë më të lehtë për virusin që të lidhet në qelizat njerëzore.
Por pavarësisht fakteve të publikuara nga ajo, shkencëtarët e kanë kritikuar raportin e saj duke thënë se nuk mund t’i jepet vëmendje shkencore.
Raporti i virologes nuk është botuar në asnjë revistë shkencore dhe nuk është rishikuar nga kolegët, që do të thotë se nuk është kontrolluar dhe aprovuar nga shkencëtarët.
