Pak muaj pasi ka marrë detyrën, Ministri i Jashtëm në detyrë, Gent Cakaj, ka nisur një fushatë “spastrimi” në shërbimin tonë diplomatik. Sot pasi foli për valën e pastrimit të diplomatëve dhe të mbi 20 punonjësve, ministri Cakaj argumentoi se do të ketë dhe shkarkime të tjera, në rast se performanca e punonjësve nuk do të jetë në nivelin e duhur.
“Po tentoj të vendos gjërat në rregullin e duhur. Çdo emër që do të shkëputet nga puna, apo do të transferohet, do të bëhet publik, së bashku me arsyen”, tha ai.
Po sot janë mësuar disa shkarkime që deklaroi Cakaj, ku të prekurit janë të gjithë punonjës të ambasadave shqiptare në vendet e Evropës.
Burime për Dosja.al nga Ministria për Evropën dhe Punët e Jashtme bëjnë me dije se janë 7 diplomatë që janë shkarkuar, dhe pritet të kthehen në Tiranë.
Të shkarkuarit janë:
-Xhuli Keko, e veja e shkrimtarit Teodor Keko – Diplomate në Ambasadën e Shqipërisë në Holandë.
-Majlinda Dodaj, motra e Aleksandër Frangajt – Diplomate në Ambasadën e Shqipërisë në Vatikan.
-Alket Çani, vëllai i gazetarit Arjan Çani– Diplomat në Ambasadën e Shqipërisë në Francë.
-Inid Milo, vajza e historianit Paskal Milo– Drejtuese e Drejtorisë së NATO-s pranë Ministrisë së Jashtme të Shqipërisë.
-Besjan Zogaj, djali i Preç Zogajt,– Diplomat pranë Ministrisë së Jashtme të Shqipërisë.
-Pranvera Skana, ish-bashkëshortja e Henri Çilit – Diplomate në Ambasadën e Shqipërisë në Mbretërinë e Bashkuar.
-Gerarta Ballo, vajza e gazetarit Artur Zheji– Diplomate në Ambasadën e Shqipërisë në Itali.
