Zv.ministrja e Shëndetësisë, Mira Rakacolli ka reaguar në lidhje me viktimën e parë të shënuar nga koronavirusi në vend.
Përmes një konference për shtyp, Rakacolli deklaroi se ajo vuante nga shumë sëmundje të tjera, që ia vështirësuan gjendjen shëndetësore.
“Vuante nga insifucienca kardiake e rëndë, kishte prej shumë vitesh çrregullime të zemrës, kishte sëmundje kronike të mushkërive, kishte hipertireozë, patologji të tiroides dhe kishte kryer edhe by pass kardiak para disa vitesh”, tha ajo.
Rakacolli sqaroi se situata e saj u përkeqësua edhe më shumë kur po merreshin masa për transportimin e saj në Tiranë.
Pjesë nga fjala e zv.ministres:
Shpreh ngushëllime për familjen e të ndjerës, 73-vjeçares që humbi jetën nga COVID-19. Pacientja që ndodhej e izoluar në gjendje të rëndë s’mundi të mbijetojë pas komplikacioneve të sëmundjeve që vuante prej vitesh. Vuante nga insifucienca kardiake e rëndë, kishte prej shumë vitesh çrregullime të ripit të zemrës, kishte sëmundje kronike të mushkërive, kishte hipertireozë, patologji te tiroides dhe e sëmurë që kishte kryer edhe by pass kardiak para disa vitesh.
Pra tërësisht në grupin e atyre sëmundjeve që kur preken nga koronavirusi cedojnë më shpejt.
Pavarësisht përpjekjeve maksimale pacientja nuk mundi të mbijetojë, ajo është trajtuar në mënyrë të izoluar në spitalin rajonal të Durrësit, sot reanimatorët atje kërkuan transferim në QSUT, kur po merreshin masa për transportimin e saj gjendja precipitoi menjëherë, me gjithë përpjekjet pacientja nuk mundi të mbijetojë.
Siç e kemi thënë, është virus që ashtu si gripi prek moshat e mëdha e ato që vuajnë
prej sëmundjeve të tjera, u bëj thirrje të jenë bashkëpunues qytetareve me autoritetet e stafet mjekësore.
Kush që ka histori udhëtimi të vetëkarantinohet, kush ka shenja infeksioni të telefonojë 127, të kufizojmë lëvizjet sa më shumë të mundemi
