Presidenti i Këshillit Evropian, Donald Tusk është pritur nga një ceremoni zyrtare nga kryeministri Edi Rama.
Bashkë me Presidenti i Këshillit Evropian, Rama mbajti një konferencë për media ku u shpreh se:
“Ky është një mik i shtrenjtë i shqiptarëve dhe i Shqipërisë dhe fatmirësisht dhe i imi, më duhet ta falënderoj. Unë i thashë Presidenti se të gjithë shqiptarët presin me padurim që të vazhdojnë në këtë rrugë dhe presim mbështetjen e plotë të vendeve anëtarë për këtë rekomandim. Ne e shikojmë rekomandimin si çeljen e një rruge të re edhe më sfiduese. Ne jemi të vetëdijshëm për sfidat dhe vështirësitë që na presin. Dhe ne jemi të vetëdijesh se këto sfida janë të kapërcyeshme falë bashkëpunimit”.
Ndërsa nga ana e tij Presidenti i Këshillit Evropian theksoi se : “Pra është e vërtetë se unë jam miku juaj, por unë kam qenë një mik i përkushtuar i kombit dhe vendit tuaj. Unë dua të përgëzoj popullin shqiptar, për çeljen e negociatave. Negociatat për anëtarësim nuk janë të lehta, por ato ia vlejnë çdo përpjekje. Është ëndrra ime që Shqipëria ime të ndjekë të njëjtë rrugë sikurse u integruan Polonia në BE, 20 vjet më parë. Nuk do të ndodhë brenda natës,, ajo çfarë keni bërë është e mjaftueshme për të çelur negociatat. Ky poçes është më shumë një garë me pengesa sesa një autostradë, dhe i nderuar Edi mund të mbështeteni tek unë. Sot mund të them që jam optimist kur bëhet fjalë për këtë prospektive afatgjatë”.
Ai preferoi ta mbyllte fjalën e tij me një mesazh për tolerancën fetare në Shqipëri dhe u shpreh: Jeni më europianë ju këtu, se sa disa në BE.
Vizita e Tusk në Shqipëri është në kuadrin e një turi treditor që Presidenti i Këshillit Evropian do të zhvillojë në vendet e Ballkanit Perëndimor.
Qëllimi i vizitës është përgatitjet e samitit BE-Ballkan që do të mbahet në Sofje më 17 maj.
Tusk do të marrë pjesë edhe në samitin e Brdo Brijun që do të zhvillohet në Shkup. Tusk do të ndalet edhe në Podgoricë, Beograd, Sarajevë dhe në Shkup.
Vizita e Tusk në Tiranë vjen pas vizitës së shefes për politikë të jashtme të BE, Federica Mogherini javën e shkuar, pasi Komisioni Evropian i ka dhënë Këshillit të Evropës rekomandimin zyrtar për nisjen e procesit të negociatave për anëtarësim për Shqipërinë.
Donald Tusk po pritet në një ceremoni mirë se ardhjeje nga kryeministri Rama dhe në orën 13 është parashikuar një konferencë në pallatin e Brigadave.
Ndërkohë, mësohet se Kryeministri Edi Rama do të niset të mërkurën në Gjermani, ku ditën e enjte do të takohet me Kancelaren Angela Merkel. TIRANA TODAY
