Zëvendëskryeministri dhe njëherësh ministri i Jashtëm i Serbisë Ivica Daçiç, është shprehur për një televizion në vendin e tij se Bashkimi Evropian është shurdhuar, por është ndoshta sëmundje e shërueshme.
“Belgjika është një vend shumë i rëndësishëm i Bashkimit Evropian. Është një vend i madh dhe ajo që është e rëndësishme për ne është se ne duhet të kemi më shumë kontakte me ta. Ata kishin kundërshtuar shumë shpesh integrimin tonë evropian. Kjo është arsyeja pse klima është shumë e rëndësishme. Është jashtëzakonisht e rëndësishme të theksohet se që vitin që lamë pas Vuçiç u takua me Kryeministrin e Belgjikës Sarl Michel dhe e ftoi atë për të ardhur në Serbi, dhe dje diskutimi ishte shumë interesante”,- tha zëvendës Kryeministri serb Ivica Daçiç.
Ai sugjeron që çështja e Kosovës nuk është vetëm një çështje dypalëshe, por një koncept rajonal. Siç shpjegoi ai, kjo vizitë ishte një nga të paktët që ishte konstruktive dhe la përshtypje tek Presidenti Vuçiç, shkruan pink.rs.
“Unë sugjerova disa gjëra. Për shembull, pjesëmarrja e Shqipërisë. Sot kemi një situatë që Serbia vazhdimisht shantazhohet me diçka. Askush nuk e shantazhon Shqipërinë. Gjithashtu duhet t’u thuhet se nuk do të jenë pjesë e integrimit evropian nëse nuk bëhet asgjë,”- tha Daçiç.
Sipas tij, BE e ka të vështirë të reagojë më shumë, por Belgjika do të ketë më shumë njohuri për pozitën e Serbisë. Ai nuk beson, se ata do të jenë në anën tonë, por thekson se është një gjë e mrekullueshme për të njohin situatën.
“Ka dy lloje të politikanëve në mjedisin tonë, të cilët kanë dëshira të ndryshme. Disa duan të paraqiten në Evropë si një lloj klase mbi ne, por nga ana tjetër, ata nuk i humbasin politikat e tyre në fushatën anti-serbe. Ata marrin diçka nga ajo, por kjo nuk mund të jetë një politikë afatgjatë”, – tha Daçiç.
Ai tha se Bashkimi Evropian po vuan nga një sëmundje serioze, që është shurdhim.
“Ndoshta kjo sëmundje është e shërueshme, duhet të punojë ta shërojë. Në 20, 30 vitet e fundit të njëjtit njerëz kanë përcjellë politikën e tyre në rajon. Për shembull, Plenkoviç vazhdon me këtë histori se Serbia është agresore. Historia e Plenkoviqit është matrica e tyre, ata e përsërisin atë gjatë gjithë kohës. Por njerëzit duhet të mësojnë vazhdimisht se çfarë po ndodhte, këto janë fakte historike që nuk duhet harruar”,- tha Daçiç. TIRANA TODAY
