Një 26-vjeçar shqiptar i identifikuar si Bexhet Deda, ka humbur jetën dhe dy shqiptarë të tjerë janë plagosur teksa ishin duke shkuar për në punë me biçikleta. Ngjarja ka ndodhur në Giugliano, në zonën napolitane, raportojnë mediat italiane.
Mësohet se shkaktar i ngjarjes është një 24- vjeçari Renzo Griffo, i cili është ndaluar nga policia.
Sipas hetimeve paraprake i riu ka qenë më shpejtësi tejet normave të lejuara dhe për pasojë ka shkaktuar aksidentin.
Autori është larguar menjëherë nga vendngjarja sapo ka përplasur tre shqiptarët. Por është arrestuar më vonë nga karabinierët, të cilët kanë parë se ai ishte duke ndërruar gomën e makinës si dhe xhamin e kishte të dëmtuar.
Gjithashtu në hetime janë përdorur dhe kamerat e sigurisë të marra nga bizneset rreth vendit ku ndodhi ngjarja tragjike.
Në gjykatë 24-vjeçari është shprehur se në ato momente ka qenë në gjendje shoku ndaj është larguar me shpejtësi nga vendi I ngjarjes, por është kthyer pas 20 minutash për të parë se çfarë kishte bërë. Një version i tillë i dhënë nga i riu nuk është marrë në konsideratë nga ana e autoriteteve./TIRANA TODAY/
