I lindur në Kosovë më 1955, Basri Bajrami, u largua që herët nga vendlindja për të shkuar në SHBA. Por pasi mbërriti në Belgjikë, do të mbetej aty për gati 30 vitet e ardhshme. Pasi u mor me disa aktivitete të paligjshme, u bë ortak në një kazino në Bruksel. Siç e kujton edhe vetë Bajrami, ai dhe miqtë e tij ishin të pakënaqur me taksat e larta, të vendosura nga qeveria belge mbi lojërat e fatit.
Për këtë arsye, bashkë me shqiptarin tjetër Murat Kapllani dhe 2 belgë, planifikojnë rrëmbimin e kryeministrit të Belgjikës, Pol Vanden Bojnants në fillim të vitit 1989. Bojants u rrëmbyen në momentin kur po shkonte të takonte të dashurën. Bajrami dhe të tjerët, e mbajtën peng për 32 ditë, gjatë të cilave arritën t’i marrin përmes të birit 5 milionë marka gjermane (1.5 milionë euro).
Pasi u dekonspirua nga e dashura, Bajrami u arrestua i pari nga banda në shkurt 1989. Pasi u arrestuan të tjerët, gjyqi kundër Bandës Haemers nisi më 1993. Por Basriu u arratis sërish nga burgu i Sen Zhill, së bashku me Filip Lakrua dhe Murat Kapllanin. Lakrua, dhe Kapllani u kapën sërish, Haemers kreu vetëvrasje në qeli, ndërsa ai vetë u kap pas 2 vitesh në Maqedoni. Në vitin 1996, u dënua me burgim të përjetshëm, ndërsa u ekstradua në Kosovë në vitin 2004. Pas disa viteve në burg, sot ai është i lirë.
