Tre persona kanë hyrë me një makinë brenda në një argjendari në Angli, duke vjedhur bizhuteri të shumta.
Ben Wegener, 34 vjeç, u arrestua nga policia ndërsa dy të tjerët arritën të arratiseshin. I arrestuari u deklarua fajtor për plaçkitje, ngarje të rrezikshme, mbajtje të armëve të ndaluara, dëmtime kriminale dhe marrje të sendeve të vjedhura.
Ai dhe dy bashkëpunëtorë drejtuan një Range Rover të zezë në pjesën e përparme të një dyqani argjendarie në perëndim të Londrës. Kur automjeti u fut brenda hajdutët dolën jashtë dhe më pas thyen xhamat duke përdorur një kamxhik e çekiç dhe futën stolitë në çanta.
Pasi grabitën dyqanin, të dyshuarit u përpoqën të largoheshin nga vendi i ngjarjes. Por, atëherë 34-vjeçari, u ndalua nga një grup personash që u mblodhën jashtë dyqanit. Range Rover i përdorur nga hajdutët u gjet nga policia, dhe u zbulua se ishte vjedhur nga një adresë në Wandsworth në fillim të këtij muaji.
Detektivi Konstabel Sam Weller i Skuadrës së Grabitjes Qendrore në West, i cili drejtoi hetimin, tha:
“Ishte fat i madh që askush nuk u lëndua seriozisht kur automjeti u përplas para dyqanit, pasi pronari i dyqanit dhe klientët u kërcënuan dhunshëm kur grabitësit ishin aty brenda. Bastisja u prish nga personat e pranishëm jashtë dyqanit që e ndoqën dhe mbajtën Wegener teksa u përpoq të shpëtonte.
Ky ishte një incident i tmerrshëm për viktimat dhe të gjithë ata që e dëshmuan atë, Wegener tani do të kalojë një periudhë të konsiderueshme kohe në burg. Fatkeqësisht dy bashkëpunëtorët e tij u larguan nga skena dhe mbeten të pa identifikuar. Ne do të vazhdojmë të ndjekim pistat në mënyrë që t’i identifikojmë ato dhe do të kërkojmë këdo që ka informacione për ata njerëz”.
