Aktualitet

PD zbulon emrin: Shumë shpejt lirohet një tjetër “kokë” e krimit, pyesni Ramën


               Publikuar në : 15:06 - 17/01/20 M P

Pas reagimit të ministres së Drejtësisë, Etilda Gjoni e cila kërkoi pezullimin e gjyqtares që liroi nga burgu Indrit Doklen, menjëherë ka reaguar Partia Demokrati nëpërmjet Sekretarit të Përgjithshëm Gazmend Bardhi.

Përveç akuzave që ka lëshuar në drejtim të mazhorancës, sipas Bardhit shumë shpejt do të lirohet një tjetër kriminel i rrezikshëm. Ai thekson se po përgatitet terreni për lirimin e tij dhe se kryeministri Rama është në dijeni të plotë.

 

DEKLARATA E PLOTE E GAZMEND BARDHIT

Deklarata e sotme e Ministres së Drejtësisë, është një akt i përsëritur, ku reagimi nuk vjen para se të merret vendimi, edhe pse ajo është në dijeni për të paraprakisht, por gjithmonë një javë pas lirimit.

Ministrja Etilda Gjonaj dhe shefi i saj Edi Rama nuk guxojnë as t’u përmendin emrat bosëve të krimit të organizuar, të liruar me dijeninë e tyre.

Edi Rama dhe Etida Gjonaj duhet t’u shpjegojnë shqiptarëve pse nuk reaguan menjëherë, pasi bosi i krimit Lulzim Berisha u lirua me garanci të Vangjush Dakos? Pse nuk e informojnë opinionin publik se janë në dijeni të plotë që po përgatitet edhe lirimi i bosit të krimit të organizuar Arben Grori?

Teatri me deklarata të pavlera, pasi kriminelët ndihmohen të dalin nga burgu, duhet të marrë fund!

Krimi i organizuar duhet të goditet me tolerancë zero! Por kjo as ka ndodhur dhe as nuk do të ndodhë, sa kohë vendi drejtohet nga regjimi i kriminalizuar i Edi Ramës.


Kthehu
WhatsApp Denonco ne TT