ZSL London Zoo njihet si kopshti zoologjik më i madh shkencor në botë. Në këtë kopsht zoologjik bëhen eksperimente të ndryshme dhe pa frikë mund të gjesh kafshët më të rralla në botë.
Por stafi i shkencëtarëve dhe mirëmbajtësve të këtij kopshti është shumë i mërzitur pas ngjarjes së fundit.
Shkencëtarët kishin vendosur që të shumonin tigrat e rrallë Sumtran. Në kopsht ishte vetëm tigresha Melati e cila vetëm disa ditë më pare kishte lindur një këlysh.
“CNN” shkruan se menjëherë pas lindjes stafi kishte huazuar tigrin Asim për t’i çiftëzuar. Asim është një tigër mashkull 7 vjeçar, i cili kishte ardhur në kopshtin zoologjik (ZSL) vetëm 10 ditë më parë.
Stafi i kopshtit fillimisht i kishin vendosur dy tigrat pranë njeri tjetrit por të ndarë nga një rrjetë teli në mes, që të mos sulmonin njëri-tjetrin por të miqësoheshin.
Por në momentin që ata vendosin që t’i fusin në një kafaz dhe të çiftëzohen, Tigri Asim sulmoi dhe vrau tigreshën Melati.
“Asim u zhvendos në ZSL London Zoo si pjesë e programit mbarështues mbarë evropian të mbarështimit dhe shpresohej që dy tigrat do të ishin në gjendje krijonin pasardhës“. TIRANA TODAY
